Rossiya Mudofaa vazirligi 7 ta ko‘ngillilar bo‘linmasi bilan shartnoma imzoladi

“Bugun ko‘ngilli hujumkor korpusning 3 ta brigadasi va 4 ta alohida otryadi maxsus harbiy operatsiya zonasida Rossiya Federatsiyasi mudofaasi manfaatlariga doir vazifalarni bajarish bo‘yicha shartnomalar imzoladi”, — deyiladi xabarda.

Idoraning ta’kidlashicha, ushbu shartnoma maxsus operatsiya zonasidagi ko‘ngillilar bo‘linmalarining faoliyatini huquqiy tartibga solish hamda ko‘ngillilar va ularning oilalarini ijtimoiy himoya qilish va qo‘llab-quvvatlash choralarini kengaytirishni belgilaydi.

Hujjatni Rossiya Mudofaa vazirligi vakili general-leytenant Vladimir Alekseyev hamda ko‘ngillilar korpusining yettita otryad va brigada komandirlari imzoladi.

10 iyun kuni Rossiya Mudofaa vazirligi rahbari Sergey Shoygu ko‘ngillilar tashkilotlarining xizmat faoliyatini tashkil etish tartibini belgilovchi buyruqni imzoladi.