Saudiya Farg‘ona shahrida turistik dam olish maskani barpo etmoqchi
O‘zbekistonning Jidda shahridagi Bosh konsulligida saudiyalik tadbirkor Bassam al-Saadi bilan muzokaralar tashkil etildi, deb xabar bermoqda «Dunyo».
Uchrashuv chog‘ida O‘zbekiston sayyohlik infratuzilmasini rivojlantirishga xorijiy investitsiyalarni jalb etish masalalari muhokama qilindi.
Bassam al-Saadi mamlakat Bosh konsulxonasi ko‘magida O‘zbekistondagi biznesini yanada kengaytirish va mustahkamlashga harakat qilayotganini bildirdi.
«Biz hamkorlarimiz bilan Farg‘ona shahrida turistik dam olish maskanini barpo etish loyihasi uchun 3 million dollar miqdoridagi mablag‘ni kiritishni rejalashtiryapmiz. Ushbu dam olish maskani loyihasida 5 ta katta villa, 9 dona o‘rta va 15 ta kichik villalar hamda savdo markazi va bolalar o‘yingohi qurilishi nazarda tutilmoqda», - dedi u.
Uchrashuv natijasida saudiyalik tadbirkor bilan mamlakatdagi boshqa loyihalarga ham investitsiya kiritish imkoniyatlarini o‘rganish bo‘yicha kelishib olindi.
Mavzuga oid
10:41 / 28.09.2024
Farg‘onada betob qizning nomidan sahifa ochib pul yig‘ib, o‘zlashtirgan shaxs ushlandi
13:35 / 21.09.2024
Farg‘onada dori vositalarini qalbakilashtirayotgan yashirin sexlar aniqlandi
07:06 / 05.09.2024
Farg‘onada avtotreyler YTHga uchradi
16:34 / 30.08.2024