Toshkentda avtobus piyodani urib yubordi
Yakkasaroy tumanida avtobus va piyoda ishtirokida yo‘l-transport hodisasi sodir bo‘ldi. Yo‘lning belgilanmagan qismidan kesib o‘tayotgan piyoda vafot etgan.
19 iyul kuni soat 17:00 da Toshkent shahri Yakkasaroy tumani Bobur ko‘chasida avtobus ishtirokida yo‘l-transport hodisasi ro‘y berdi. Toshkent shahar IIBB Yo‘l harakati xavfsizligi boshqarmasi xabariga ko‘ra, «Yutong» rusumli yo‘lovchi avtobusi yo‘lning belgilanmagan qismidan kesib o‘tayotgan piyoda, 1972 yilda tug‘ilgan G‘.K.ni urib yuborgan.
«Toshshahartransxizmat» matbuot xizmati xabarida aniqlik kiritilishicha, avtobus Bobur ko‘chasi bo‘ylab Aeroport ko‘prigidan Askiya bozori chorrahasiga yaqinlashgan vaqtda, yo‘lning qatnov qismida piyodalar uchun belgilanmagan joydan yo‘lni kesib o‘tayotganida G‘.K. oldidan yengil avtomashina chiqishi natijasida to‘satdan orqaga harakatlangani sababli, avtobus uni urib yuborgan.
Piyoda olgan tan jarohatlari natijasida 16-sonli shahar shifoxonasiga olib borilgan. Biroq tibbiyot xodimlarining sa’y-harakatlariga qaramay u vafot etgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.
Mavzuga oid
23:19 / 01.10.2024
Tailandda 40 ga yaqin o‘quvchi va o‘qituvchilarni olib ketayotgan avtobus yonib ketdi. Kamida 20 kishi halok bo‘lgani aytilmoqda
00:09 / 01.10.2024
Agrar universitetdagi yong‘in o‘chirildi
09:30 / 30.09.2024
Toshkentda o‘zini bank xodimi deb tanishtirib, o‘zganing 15 mln so‘mini o‘zlashtirgan shaxs ushlandi
12:20 / 28.09.2024