Xalqaro moliya institutlari bilan 2,3 mlrd dollarlik qarz bitimlari imzolandi 

Joriy yil I yarim yilligida xalqaro moliya institutlari va xorijiy hukumat moliya tashkilotlari bilan 17 ta loyiha doirasida umumiy qiymati 2,3 mlrd dollarlik qarz bitimlari imzolandi. Bu haqda Strategik rivojlanish va tahlil departamenti bo‘lim boshlig‘i Dadaxon Jumaniyozov ma’lum qildi.

U Investitsiyalar, sanoat va savdo vazirligi faoliyatining 2023 yil birinchi yarim yillik natijalari haqida ma’lumot berdi. 

Qayd etilishicha, joriy yil yanvar-iyun oylarida jami 7,4 mlrd dollar xorijiy investitsiyalar o‘zlashtirildi. 

To‘g‘ridan to‘g‘ri xorijiy investitsiyalar va kreditlarning 2,9 mlrd dollari tarmoq hamda 4 mlrd dollari hududiy loyihalar hisobidan amalga oshirildi.

Joriy yilning yanvar-iyun oylarida qiymati 1,6 mlrd dollarlik 2 706ta loyihalarni ishga tushirish orqali 41 548ta yangi ish o‘rinlarini yaratish belgilangan bo‘lib, amalda qiymati 2,9 mlrd dollarlik 4 523ta loyihalar ishga tushirildi va natijada 73 654ta (32 029ta ko‘p) yangi ish o‘rinlari yaratilgan.