O‘zbekistonga yuk avtomobillari asosan Xitoydan import qilinmoqda

2023 yilning yanvar-iyun oylarida O‘zbekistonga 18 ta xorijiy davlatlardan qiymati 143 mln AQSh dollariga teng bo‘lgan 34 300 ta yuk avtomobillari import qilingan.

Statistika agentligining dastlabki ma’lumotlariga ko‘ra, O‘zbekiston 6 oyda yuk avtomobillarini eng ko‘p import qilgan davlatlar orasida Xitoy birinchi o‘rinni egallab turibdi — 33 450 ta.

Undan keyingi o‘rinlardan mos ravishda 313 ta hamda 261 ta yuk avtomobillari olib kelingan Koreya va Polsha joy oldi.

Bundan tashqari, Rossiyadan 180 ta, Germaniyadan 34 ta yuk avtomobili importi amalga oshirilgan.