Polsha O‘zbekistonda rezavor mevalar yetishtirmoqchi

Unda O‘zbekistonda rezavor mevali ekinlar – golubika, malina, qorag‘at, shilvi, shuningdek, funduk yetishtirishga sarmoya kiritish masalalari muhokama qilindi.

Golubika, malina va shilvi nafaqat oziq-ovqat mahsulotlari, balki farmatsevtika ishlab chiqarish uchun xomashyo sifatida ham qo‘llaniladi, chunki ular antioksidant bo‘lib, shifobaxsh xususiyatlarga ega.

Suhbatdosh ko‘chat va rezavor mevalar yetishtirish uchun plantatsiyalar yaratishga to‘g‘ridan to‘g‘ri sarmoya kiritishga tayyorligini bildirdi. Uning aytishicha, Polshada 1 gektardan 20 tonnaga yaqin golubika olinadi, O‘zbekistonning iqlim sharoiti esa 40 tonnagacha hosil olish imkonini beradi.

Tadeush Kusibab, agar loyiha muvaffaqiyatli amalga oshirilsa, rezavor mevalarni qayta ishlash va sharbatlar, murabbo, sirop va ekstraktlar, muzlatilgan mahsulotlar ishlab chiqarishga ham sarmoya kiritishga tayyor ekanligini ta’kidladi.

Polsha tomonidan meva va rezavorlar yetishtirish bo‘yicha o‘zbekistonlik mutaxassislarni tayyorlash va qayta tayyorlash bo‘yicha 3 va 6 oylik kurslar tashkil etish taklif etildi. Shuningdek, ularni Polshaga amaliyot o‘tashga yuborish rejalashtirilgan.