Qoʻshimcha funksionallar
-
Tungi ko‘rinish
Dam olish kunlari nam va salqin havo oqimlari kirib keladi
Ba’zi joylarda yomg‘ir yog‘adi, kuchli shamol esadi. Tog‘li hududlarda sel-suv toshqini yuz berishi mumkin.
26-28 avgust kunlari O‘zbekiston hududiga nam va salqin havo massalari kirib keladi. Bu haqda «O‘zgidromet» xabar berdi.
Qayd qilinishicha, Respublika hududi bo‘yicha 26-27 avgustda shamol tezligi 17-22 m/s gacha kuchayishi kutilmoqda, ba’zi joylarda 23-25 m/s gacha kuchayishi, ayrim joylarda chang-to‘zonlar bilan kuzatilishi mumkin.
27-28 avgust kunlari kunduzi havo harorati +23...+28 darajagacha pasayadi.
26 avgustda respublika shimolida va cho‘l hududlarda, 27-28 avgustda qolgan hududlarda vaqti-vaqti bilan yomg‘ir yog‘ishi, momaqaldiroq bo‘lishi mumkin. Tog‘oldi va tog‘li hududlarda kuchli yomg‘ir yog‘adi. Shu sababli, tog‘oldi va tog‘li hududlarda 27-29 avgust kunlari sel-suv toshqin hodisalari yuzaga kelishi mumkin.
