Isroil G‘azodagi quruqlik operatsiyasini bekor qilish shartlarini aytdi

Agar garovdagilar ozod qilinsa, quruqlikdagi operatsiya bekor qilinishi mumkin.

Foto: AFP

Agar HAMAS barcha garovdagilarni ozod qilsa va so‘zsiz taslim bo‘lsa, Isroil G‘azo sektoridagi quruqlik operatsiyasidan voz kechishga tayyor. Bu haqda Isroil Mudofaa kuchlari (TsAXAL) matbuot kotibi Jonatan Konrikus ma’lum qildi.

«Agar HAMAS tinch aholi ortida yashiringan joylaridan chiqib, hozirda garovda ushlab turilgan 212 nafar insonni qaytarib, so‘zsiz taslim bo‘lsa, urush tugaydi. Agar ular buni qilmasa, biz borib, o‘zimiz qilishimizga to‘g‘ri keladi», dedi podpolkovnik Konrikus.

Shu bilan birga, Konrikus TsAXAL uchun qaysi maqsad ustuvorroq – garovga olinganlarni ozod qilishmi yoki HAMAS harakatini yo‘q qilishmi degan savolga aniq javob bera olmadi.

G‘azo sektoridagi harbiy operatsiya juda yaqin vaqt ichida boshlanishi aytilmoqda. Isroil Mudofaa vaziri Yoav Gallant so‘zlariga ko‘ra, quruqlik operatsiyasi taxminan uch oy davom etishi mumkin. Oxir-oqibat HAMAS yo‘q qilinishi kerak, dedi u.

#Isroil #Falastin #G‘azo sektori

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.