O‘zbekistonda yalpi ichki mahsulot hajmi 5,8 foizga o‘sdi

Aholi jon boshiga hisoblangan YaIM hajmi joriy narxlarda 20,7 mln so‘m (1 789,5 AQSh dollari)ni tashkil etdi.

2023 yilning yanvar-sentabr oylarida O‘zbekistonda yalpi ichki mahsulot (YaIM) hajmi joriy narxlarda 751 trln so‘mni tashkil etdi.

Statistika agentligi dastlabki ma’lumotlariga ko‘ra, bu o‘rtacha almashuv kursi (11 556,2 so‘m) bo‘yicha qariyb 65 mlrd AQSh dollariga teng.

Qayd etilishicha, bu ko‘rsatkich 2022 yilning mos davri bilan taqqoslaganda 5,8 foizga o‘sgan.

2023 yilning yanvar-sentabr oylarida aholi jon boshiga hisoblangan YaIM hajmi joriy narxlarda 20,7 mln so‘m (1 789,5 AQSh dollari)ni tashkil etib, 2022 yilning mos davri bilan taqqoslaganda 3,6 foizga oshgan.