O‘zbekiston va Yevrokomissiya qishloq xo‘jaligi bo‘yicha moliyaviy bitimni imzoladi

O‘zbekiston tashqi ishlar vaziri Baxtiyor Saidov Bryussel shahrida Yevrokomissiya raisi o‘rinbosari Valdis Dombrovskis bilan uchrashdi.

«Yevrokomissiya raisi o‘rinbosari Valdis Dombrovskis janoblari bilan uchrashdik», – deb yozdi O‘zbekiston TIV rahbari o‘zining Telegram-kanalida. 

Muloqot chog‘ida O‘zbekiston va Yevropa Ittifoqi o‘rtasidagi, ayniqsa, iqtisodiy yo‘nalishda mustahkamlanib borayotgan hamkorlikning keng kun tartibi ko‘rib chiqildi. 

O‘zaro savdoni yanada rivojlantirish, Yevropa bozoriga eksport ko‘rsatkichlarini oshirish, O‘zbekistonning JSTga a’zo bo‘lishini qo‘llab-quvvatlash, muhim xomashyolar bo‘yicha hamkorlik qilish muhokama asosiy mavzularidan bo‘lgan. 

Shuningdek, qishloq xo‘jaligida loyiha amalga oshirish bo‘yicha moliyaviy bitim imzolandi.