Isroil G‘azoda harbiy operatsiyaning yangi bosqichi boshlanganini e’lon qildi

G‘azo shahri g‘arbi HAMAS a’zolaridan tozalangani ta’kidlanmoqda.

Foto: Isroil mudofaa kuchlari

Isroil mudofaa vaziri Yoav Gallant 16 noyabr kuni Isroil mudofaa kuchlari (TsAHAL) bo‘linmalari G‘azo shahrining g‘arbiy kvartallarini egallab olganini ma’lum qildi.

«TsAHAL G‘azo shahri g‘arbini egalladi, hududni XAMAS a’zolari va vositalaridan tozaladi», deb uning so‘zlarini keltirdi The Times of Israel.

Vazirning ta’kidlashicha, harbiylar hozir quruqlikdagi operatsiyaning yangi bosqichini boshlamoqda.

Gallant, shuningdek, harbiylar G‘azo sektoridagi Ash-Shifo shifoxonasini tintuv qilish chog‘ida «muhim narsalarni» topganini aytdi, biroq ularning mohiyati nimadan iboratligiga aniqlik kiritmadi.

Isroilning shifoxonadagi xatti-harakatlari mintaqa davlatlari tomonidan tanqid qilindi va BMT tomonidan xavotir bildirildi. Biroq, AQSh Xavfsizlik kengashi matbuot kotibi Jon Kirbining aytishicha, HAMAS Ash-Shifo shifoxonasidan operativ boshqaruv markazi sifatida foydalangan.

#Isroil #Falastin #Hamas

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.