Toshkentning Olmazor tumani hokimligidagi majlisda mahalla raisi vafot etdi 

Toshkent shahrining Olmazor tumani hokimligida bo‘lib o‘tgan yig‘ilishda mahalla raisi yiqilib tushib, vafot etgan.

Daryo manbasiga ko‘ra, 24 noyabr kuni o‘tkazilgan majlis paytida, soat taxminan 10 larda «Yangi Sebzor» mahalla fuqarolar yig‘ini raisi yiqilib tushib, hayotdan ko‘z yumgan.

Olmazor tumani hokimligi axborot xizmati rahbari Vitaliy Tolibjonov voqeani tasdiqlagan. Ammo qo‘shimcha ma’lumot berolmasligini, ish yuzasidan prokuraturadan axborot olish mumkinligini aytgan. Bosh prokuratura tez orada axborot berilishini bildirgan.

Shaxsi sir qolishini istagan manbaning aytishicha, hokimiyatda mas’ullarining «majlisbozligi 40 kundan beri davom etmoqda». «Bu majlisbozlik qachon tugaydi? Har kun bir soatlab ko‘chada sovuqda turyapmiz», degan u.