22 dekabr kuni havo sifatini o‘lchaydigan Toshkentdagi 3ta stansiyada ham havoda ifloslanish darajasi hayot uchun xavfli daraja chiqqan. IQAir platformasi buni JSST belgilagan me’yordan 18 marta ko‘p deb ko‘rsatyapti.
![](https://storage.kun.uz/source/10/S2eaDs-zPaDEola33fl0_pb08WwuUeMr.jpg)
22 dekabr kuni Toshkent shahrida havo sifati 169 darajani qayd etgan. IQAir ma’lumotiga ko‘ra, poytaxt havosining asosiy ifloslanishi PM2.5 dispers zarrachalari hisobiga to‘g‘ri keladi.
Havo tarkibini ifloslantiruvchi moddalar konsentratsiyasi:
- PM2.5 – 90.2µg/m³
- PM10 – 88.1µg/m³
- O3 – 7.9µg/m³
- NO2 – 0µg/m³
- SO2 – 15.4µg/m³.
IQAir platformasi havo tarkibida PM2.5 zarrachasining bu miqdorini JSST belgilagan me’yordan 18 marta ko‘p deb ko‘rsatyapti.
Havo sifati AQShning O‘zbekistondagi elchixonasi stansiyasida – 385, 15 shifoxona hududidagi stansiyasida – 166 va Xalqlar do‘stligi huddudidagi stansiyasida – 158 darajada yomonlashgan.
Eslatib o‘tamiz, oldinroq 2022 yil 17 oktyabr kuni kechqurun Toshkent havosida mayda PM-2,5 dispers zarralarining konsentratsiyasi ruxsat etilgan me’yordan 42 barobarga ortib, 212 mkg/m³ga yetgandi.