Qoʻshimcha funksionallar
-
Tungi ko‘rinish
Argentina prezidenti Buyuk Britaniyani Folklend orollarini qaytarishga chaqirdi
Yangi hukumat bu masala bo‘yicha muzokara boshlashni taklif qilmoqda.
Foto: EPA
Prezident Xaviyer Miley boshchiligidagi Argentinaning yangi hukumati Londonni Folklend orollarini (Malvin orollari) qaytarishga va bu masala bo‘yicha muzokaralar o‘tkazishga chaqirdi.
«Bugun Buyuk Britaniya tomonidan Malvin orollarining ishg‘ol etilganiga 191 yil to‘ldi. Argentina hukumati va jamiyati Malvin orollari ustidan suverenitet huquqimizni talab qiladi», dedi hukumat vakili Manuel Adorni matbuot anjumanida.
«Argentina hukumati BMT Bosh Assambleyasining tegishli rezolyutsiyalari qoidalariga muvofiq, suverenitet masalasiga yechim topish imkonini beradigan ikki tomonlama muzokaralarni qayta boshlashga tayyorligini yana bir bor tasdiqlaydi», deyiladi Argentina Tashqi ishlar vazirligi bayonotida.
«Argentina hukumati Buyuk Britaniya bilan muzokaralarni qayta boshlash uchun qulay ishonch muhitini yaratish maqsadida o‘zaro manfaatli barcha masalalar bo‘yicha mazmunli va konstruktiv muloqotni o‘z ichiga olgan munosabatlarni saqlab qolishni istaydi», deb qo‘shimcha qildi mamlakat TIV.
Buyuk Britaniya va Argentina o‘rtasidagi Malvin orollari (Buyuk Britaniyada Folklend orollari deb ataladi), shuningdek, Britaniyaning Janubiy Jorjiya bilan Janubiy Sandvich orollari uchun urush 1982 yil 2 aprelda boshlandi va 14 iyunda Argentina mag‘lubiyati bilan yakunlandi. Shunday bo‘lsa-da, Argentina ushbu hududlarni o‘ziniki deb hisoblaydi.
Mavzuga oid
23:36 / 20.11.2024
Britaniyalik fermerlar yangi meros solig‘i bekor qilinishini talab qilib, norozilik namoyishi o‘tkazdi
21:14 / 20.11.2024
Britaniyada 16 yoshgacha bo‘lgan bolalarni ijtimoiy tarmoqlardan cheklash masalasi ko‘rib chiqiladi
18:21 / 20.11.2024
AQSh ortidan Buyuk Britaniya ham Ukrainaga uzoq masofali raketalardan Rossiyaga zarba yo‘llashga ruxsat berdi – OAV
16:53 / 20.11.2024