Qoʻshimcha funksionallar
-
Tungi ko‘rinish
O‘zbekistonning Istanbuldagi bosh konsulxonasiga rahbar tayinlandi
41 yoshli Sherzod Abdunazarov bu lavozimda ish boshlaydi.
Sherzod Abdunazarov
Sherzod Abdunazarov O‘zbekistonning Istanbuldagi bosh konsulxonasi rahbari etib tayinlandi.
U 41 yoshda bo‘lib, Jahon iqtisodiyoti va diplomatiya universiteti hamda Tahlil va prognozlash oliy maktabini tamomlagan. 2007 yildan buyon Tashqi iqtisodiy aloqalar, investitsiyalar va savdo vazirligi va Tashqi ishlar vazirligi tizimida turli lavozimlarda ishlab kelgan. Tayinlovga qadar ushbu bosh konsulxonada birinchi kotib lavozimida ishlagan.
Istanbuldagi bosh konsulxonaga 2020–2023 yillarda rahbarlik qilib kelgan Amirsaid Agzamxo‘jayev 2023 yil noyabrida O‘zbekistonning Polshadagi elchisi etib tayinlangan edi.
Ma’lumot uchun, O‘zbekistonning mazkur bosh konsulxonasi Turkiyaning Istanbul shahri, Oydin, Balikesir, Bilejik, Bursa, Izmir, Kojayeli va boshqa viloyatlari, shuningdek, Bolgariya va Ruminiya hududiga xizmat ko‘rsatadi.
Mavzuga oid
17:59
Turkiyada 3 nafar politsiya xodimi IShIDga qarshi operatsiya chog‘ida halok bo‘ldi
13:45 / 24.12.2025
Turkiya kapitali ishtirokidagi korxonalarning asosiy qismi Toshkent hissasiga to‘g‘ri keldi
08:45 / 24.12.2025
Turkiyada Liviya armiyasi bosh shtabi boshlig‘i aviahalokat qurboniga aylandi
13:00 / 23.12.2025