O‘zbekistonda umra ziyorati uchun narxlar arzonlashdi
![](https://storage.kun.uz/source/10/yA7XU3GoeR9EmWijSDC3jaidropL2xk4.jpg)
Foto: Kun.uz
O‘zbekiston musulmonlari idorasi umra ziyorati uchun narxlar arzonlashganini e’lon qildi.
Ma’lum qilinishicha, 2024 yil 10 yanvardan O‘zbekiston musulmonlari idorasining «Haj va Umra» markazida umra xizmatlari narxi bir kishi uchun 16 million 600 ming so‘m etib belgilandi.
O‘zbekiston delegatsiyasi Saudiya Arabistonida haj va umra xizmatlari sifatini yanada yaxshilash, narxlarini arzonlashtirish, ziyoratchilar uchun bir qator qulayliklar yaratish maqsadida podshohlikdagi bir qator mutasaddi idoralar rahbarlari bilan muzokaralar olib bormoqda. Shu kabi muloqotlar natijasida umra xizmatlari narxini yanada arzonlashtirishga erishilgan.
«O‘zbekiston musulmonlari idorasi hamda Din ishlari bo‘yicha qo‘mitasi tomonidan tashkil etilgan umra xizmatlari har jihatdan qulay, arzon va xavfsizdir. Eng asosiysi, to‘g‘ridan-to‘g‘ri reyslar, tunu kun shifokorlar xizmati, uch mahal issiq ovqat bilan ta’minlangan hamda eng malakali imom-xatiblardan iborat ellikboshilar jalb etilgan. Shuningdek, Fatvo markazi ulamolari ishchi guruhi vakili sifatida shar’iy masalalarga doimo yechim topib beradilar», deyiladi idora xabarida.
Mavzuga oid
![](https://storage.kun.uz/source/thumbnails/_medium/10/hYFcRPIHhcil7i8VcOw_RIRuD_OHwiBg_medium.jpg)
10:59 / 04.07.2024
Umra tadbirlarini tashkil etish va o‘tkazish litsenziyalanadigan faoliyatning alohida turi sifatida belgilandi
![](https://storage.kun.uz/source/thumbnails/_medium/10/b64n5AMW0_r34MpL-aJaWxoE7j--h42X_medium.jpg)
22:23 / 23.04.2024
Muftiy Nuriddin Xoliqnazarov Islom olami uyushmasi Oliy Kengashiga qabul qilindi
![](https://storage.kun.uz/source/thumbnails/_medium/9/_4GWxREd4YkkafX1QB9T6TCi-_YTYcja_medium.jpg)
07:31 / 20.07.2023
Shavkat Mirziyoyev Umra amallarini bajardi
![](https://storage.kun.uz/source/thumbnails/_medium/9/IzWI9adjfq5R3zsP_tOtG9ulkqF549Zm_medium.jpg)
18:45 / 26.06.2023