BMT bosh kotibi Guterrish Pokiston va Eronni vazminlikka chaqirdi

Eron va Pokiston bir-birining hududidagi ekstremistlar bazalariga zarba berganidan so‘ng, BMT bosh kotibi Antoniu Guterrish har ikki tomonni bosiqlikka chaqirdi. «Bosh kotib ikki davlat o‘rtasidagi barcha xavfsizlik masalalari suverenitet, hududiy yaxlitlik va yaxshi qo‘shnichilikning asosiy tamoyillarini hurmat qilish asosidagi muloqot va hamkorlik orqali tinch yo‘l bilan hal etilishi kerakligini ta’kidlaydi», - dedi jahon tashkiloti rahbarining matbuot kotibi Stefan Dyujarrik 18 yanvar oqshomida.

Separatchi guruhlar Eron va Pokistonning chegaradosh viloyatlarida faol bo‘lib, Eronning sharqiy Siston va Balujiston viloyatlari hamda Pokistonning g‘arbiy Balujiston viloyatida mustaqil davlat yaratishga intilmoqda.

Eron va Pokistonning bir-biri hududiga raketa hujumlari 

Pokiston 18 yanvar kuni Eronning raketa hujumiga javoban Erondagi nishonlarga raketa va uchuvchisiz uchoqlardan zarbalar berdi. Undan avval Tehrondagi hukumat Pokiston hududiga zarba «Jaysh al-Adl» guruhi ekstremistlariga qarshi qaratilganini bildirdi. Pokiston ham Eron hududiga zarbadan maqsad ushbu guruh ekstremistlari ekanini ta’kidladi. 

Bu voqea endigina yaxshilanib borayotgan ikki davlat munosabatlarida diplomatik inqirozga olib keldi.