Uzbekistan Airways Londonga parvozlarni ko‘paytiradi

Uzbekistan Airways Toshkentdan Londonning Gatvik aeroportiga aviaqatnovni yo‘lga qo‘yib, Toshkent–London yo‘nalishidagi parvozlarni haftasiga uchtaga yetkazishini ma’lum qildi. Bunda, 7 apreldan boshlab Hitrou aeroportiga doimgidek haftasiga ikkita, Gatvik aeroportiga esa bitta reys amalga oshiriladi.

Foto: Kun.uz

Hitrou aeroportiga qatnovlar seshanba va juma kunlari, Gatvik aeroportiga yakshanba kunlari quyidagi jadvalga muvofiq amalga oshiriladi:

Toshkentdan jo‘nab ketish soat 10:55, Toshkent vaqti bilan;
Londonga yetib kelish soat 14:35, London vaqti bilan;
Londondan jo‘nab ketish soat 16:10, London vaqti bilan;
Toshkentga yetib kelish ertasi kuni soat 03:00, Toshkent vaqti bilan.

Avvalroq, 14 martdan boshlab Polshaning LOT Polish Airlines kompaniyasi Toshkentdan Varshavaga to‘g‘ridan to‘g‘ri reyslarni yo‘lga qo‘yishi xabar qilingandi. Parvozlar haftasiga uch marta amalga oshiriladi.