Bojxonachilar qurol olib o‘tmoqchi bo‘lgan shaxsni to‘xtatishdi

Transport vositasi yukxonasida o‘q otuvchi va sovuq qurollar yashirilgani aniqlandi.

Foto: Bojxona qo‘mitasi

Toshkent viloyati bojxona boshqarmasi tomonidan «G‘ishtko‘prik» chegara bojxona posti orqali qurol olib o‘tmoqchi bo‘lgan shaxs ushlandi.

Qayd qilinishicha, Bojxonadan o‘tmoqchi bo‘lgan transport vositasi yukxonasida «Makarov» to‘pponchasi, 2 dona tig‘li sovuq qurol, turli xil harbiy anjomlar hamda 3 dona polietilen paketda quritilgan giyohlar borligi aniqlangan.

Holat yuzasidan bojxona organlari tomonidan tergovga qadar tekshiruv harakatlari olib borilmoqda.

Ma’lumot uchun: «Qurol to‘g‘risida»gi qonun talablariga muvofiq, fuqaroviy va xizmat qurolini hamda uning o‘q-dorilarini O‘zbekiston hududiga olib kirish, olib chiqish hamda respublika hududi orqali tranzit ravishda olib o‘tish tegishli organlar ruxsatnomalariga ko‘ra amalga oshiriladi.

Tayyorlagan: Сардор Юсупов

#qurol #Bojxona