Toshkentda BMW’da drift qilgan haydovchiga chora ko‘rildi

1997 yilda tug‘ilgan haydovchiga nisbatan o‘rnatilgan tartibda ma’muriy bayonnoma rasmiylashtirilgan.

Foto: Toshkent shahar IIBB YHXB

Ijtimoiy tarmoqlarda BMW rusumli avtomashina haydovchisi yo‘l harakati qoidalarini buzib, keskin manyovr va xavfli holatda avtomashina boshqarganligi aks etgan video tarqaldi.

Video Toshkent shahar IIBB YHXB xodimlari tomonidan o‘rganilib, haydovchi, 1997 yilda tug‘ilgan Sh.R.ga nisbatan o‘rnatilgan tartibda O‘zbekiston MJtK ning 128-5-moddasining 2-qismiga muvofiq ma’muriy bayonnoma rasmiylashtirildi.

Toshkent shahar IIBB YHXB haydovchilar bilan profilaktik suhbat olib borilganini bildirdi.

YHXB barcha haydovchilardan qoidalarga rioya qilishni so‘ragan.

#BMW #drift