Toshkentda Wizz Air aviakompaniyasi reysi 17 soatga kechiktirildi

Parvoz texnik sabablarga ko‘ra kechiktirilgan, yo‘lovchilar mehmonxona bilan ta’minlangan.

Foto: Uzbekistan Airports

Toshkent vaqti bilan soat 12:05 da parvoz qilishi kerak bo‘lgan Wizz Air aviakompaniyasining Toshkent–Abu-Dabi (5W7160) yo‘nalishi bo‘yicha reysi texnik sabablarga ko‘ra aeroportda qolmoqda. Bu haqda Uzbekistan Airways xabar berdi.

Qayd qilinishicha, Vengriyaning Wizz Air aviakompaniyasiga tashkiliy masalalarni hal qilish uchun vaqt kerak bo‘lgan. Mazkur reysning 105 nafar yo‘lovchisi, jumladan, xorijlik fuqarolar aviakompaniya tomonidan mehmonxonaga joylashtirilgan.

Toshkent – Abu-Dabi yo‘nalishi bo‘yicha parvoz 31 iyul kuni soat 4:00 da amalga oshirilishi rejalashtirilgan.

#Vengriya #Abu-Dabi #Wizz Air