Qozog‘iston va O‘zbekiston o‘rtasida 15 ta hujjat imzolandi

O‘zbekiston prezidenti Shavkat Mirziyoyevning Qozog‘istonga davlat tashrifi doirasida 15 ta hujjat imzolandi.

Kazinform xabariga ko‘ra, Qozog‘iston prezidenti Qosim-Jo‘mart To‘qayev va Shavkat Mirziyoyev quyidagi hujjatlarni imzoladi:

1. Qozog‘iston Respublikasi prezidenti va O‘zbekiston Respublikasi prezidentining qo‘shma bayonoti;

2. Qozog‘iston Respublikasi va O‘zbekiston Respublikasi Oliy davlatlararo kengashining Qozog‘iston-O‘zbekiston ikki tomonlama hamkorligini yanada rivojlantirish to‘g‘risidagi qarori;

3. Qozog‘iston Respublikasi va O‘zbekiston Respublikasi Oliy Davlatlararo kengashining Tashqi ishlar vazirlari kengashi to‘g‘risidagi nizomni tasdiqlash to‘g‘risidagi qarori.

Bundan tashqari, O‘zbekiston prezidentining Qozog‘istonga davlat tashrifi doirasida quyidagi hujjatlar imzolandi:

1. Qozog‘iston Respublikasi hukumati va O‘zbekiston Respublikasi hukumati o‘rtasida Qozog‘iston-O‘zbekiston davlat chegarasi rejimi to‘g‘risidagi bitim;

2. Qozog‘iston Respublikasi hukumati bilan O‘zbekiston Respublikasi hukumati o‘rtasida 2006 yil 4 sentabrdagi Qozog‘iston-O‘zbekiston davlat chegarasi orqali o‘tkazish punktlari to‘g‘risidagi bitim bayonnomasiga o‘zgartirish va qo‘shimchalar kiritish to‘g‘risidagi bayonnoma;

3. Qozog‘iston Respublikasi hukumati va O‘zbekiston Respublikasi hukumati o‘rtasida 2006 yil 20 martdagi xalqaro avtomobil qatnovi to‘g‘risidagi bitimga o‘zgartirish va qo‘shimchalar kiritish to‘g‘risidagi bayonnoma;

4. Qozog‘iston Respublikasi hukumati va O‘zbekiston Respublikasi hukumati o‘rtasida madaniy-gumanitar hamkorlik bo‘yicha 2024-2025 yillarga mo‘ljallangan chora-tadbirlar rejasi;

5. Qozog‘iston Respublikasi Qishloq xo‘jaligi vazirligi va O‘zbekiston Respublikasi Qishloq xo‘jaligi vazirligi o‘rtasida qishloq xo‘jaligi sohasida hamkorlik to‘g‘risidagi bitim;

6. Qozog‘iston Respublikasi Milliy iqtisodiyot vazirligi va O‘zbekiston Respublikasi Iqtisodiyot va moliya vazirligi o‘rtasida o‘zaro anglashuv va hamkorlik to‘g‘risidagi bayonnoma;

7. Qozog‘iston Respublikasi Milliy iqtisodiyot vazirligining Tabiiy monopoliyalarni tartibga solish qo‘mitasi va O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi o‘rtasida tabiiy monopoliyalarni tartibga solish sohasidagi hamkorlik to‘g‘risidagi bayonnoma;

8. Qozog‘iston Respublikasi Sog‘liqni saqlash vazirligi va O‘zbekiston Respublikasi Sog‘liqni saqlash vazirligi o‘rtasida sog‘liqni saqlash sohasida hamkorlik to‘g‘risidagi bitim;

9. Qozog‘iston Respublikasi Raqobatni himoya qilish va rivojlantirish agentligi va O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi o‘rtasida raqobatni himoya qilish siyosati sohasida hamkorlik to‘g‘risidagi bayonnoma;

10. Qozog‘iston Respublikasi prezidenti huzuridagi Qozog‘iston Strategik tadqiqotlar instituti va O‘zbekiston Respublikasi prezidenti huzuridagi Strategik va mintaqalararo tadqiqotlar instituti o‘rtasida Qozog‘iston-O‘zbekiston ekspert kengashini tashkil etish to‘g‘risida o‘zaro anglashuv memorandumi;

11. Qozog‘istonning «Otandastar» jamg‘armasi va O‘zbekiston Respublikasi Madaniyat vazirligi huzuridagi Xalqaro munosabatlar va xorijiy davlatlar bilan do‘stlik aloqalari qo‘mitasi o‘rtasida o‘zaro anglashuv to‘g‘risidagi bitim;

12. Astana shahri hokimligi va Toshkent shahri hokimligi o‘rtasida 2025-2026 yillarga mo‘ljallangan savdo-iqtisodiy, sarmoyaviy va madaniy-gumanitar sohalarda hamkorlikni kengaytirish bo‘yicha aniq chora-tadbirlar rejasi («Yo‘l xaritasi»).