Tramp Harris haqida behayo so‘zlarni aytgani ma’lum bo‘ldi
Manbalar Tramp Harrisni bir necha marta so‘kkanini eshitganini ta’kidlamoqda.
AQSh sobiq prezidenti Donald Tramp Demokratlar partiyasidan prezidentlikka nomzod Kamala Harrisga nisbatan shaxsiy suhbatlarda bir necha bor behayo so‘zlarni ishlatgan. Bu haqda The New York Times (NYT) xabardor manbalardan ma’lum qildi.
Nashrning ikki suhbatdoshi Tramp Harrisni bir necha marta so‘kkanini eshitganini ta’kidlagan. Boshqa bir manbaning aytishicha, AQSh sobiq prezidenti suiqasddan keyin vazminroq bo‘lishdan bosh tortgan. Nashrning tan olishicha, sobiq davlat rahbarining jahldorligi yaqin ittifoqchilari uni manipulyatsiya qilishi uchun yaxshi zamin yaratishi mumkin.
Avvalroq Tramp Harris o‘zining uquvsizligini yashirish uchun intervyu bermasligini aytgan edi. Siyosatchining ta’kidlashicha, agar Demokratik partiya nomzodi g‘alaba qozonsa, «Amerika yo‘q qilinadi». Avgust oyida Tramp Harrisning debatlarda ishtirok etishdan bosh tortganini uning IQ darajasi pastligi bilan bog‘lagan edi.
Tramp (Respublikachilar partiyasi) va Harris (Demokratik partiya) 5 noyabr kuni bo‘lib o‘tishi rejalashtirilgan AQSh prezidentligi saylovlarida asosiy raqobatchilar sanaladi.
Mavzuga oid
22:28 / 19.09.2024
AQSh Harbiy-dengiz kuchlari Xitoy bilan urushga tayyorgarlik rejasini e’lon qildi
21:59 / 19.09.2024
Eronlik xakerlar Bayden shtabiga Tramp haqida ma’lumotlar yuborani ma’lum bo‘ldi
13:20 / 19.09.2024
Sanksiyalar chetlab o‘tilishi: AQSh Xitoydan uran importini tekshiryapti
12:00 / 19.09.2024