Toshkentdan Moskvaga uchgan samolyot nosozlik tufayli aeroportga qaytdi

O‘zbekiston poytaxtidan Moskvaga uchgan «Aeroflot» aviakompaniyasining samolyoti texnik nosozlik tufayli aeroportga qaytdi. Bu haqda RBK xabar berdi.

«Moskvaning Sheremetyyevo aeroportiga yo‘l olgan SU1873 Toshkent – Moskva reysi [jo‘nash aeroportiga] qaytdi», deyiladi xabarda.

Toshkent aeroporti xodimining «RIA Novosti»ga ma’lum qilishicha, samolyot orqaga qaytib, yerga qo‘nishdan oldin, osmonda aylana parvoz qilib, yoqilg‘ini tugatgan.

Mutaxassislar samolyotni ko‘rikdan o‘tkazib, nosozlikni aniqlashga kirishgani ta’kidlanmoqda.