Xorijda qarovsiz qolgan 14 nafar bola O‘zbekistonga qaytarildi
Ijtimoiy himoya milliy agentligi bu bolalarning ota-onasi va o‘z yaqinlari qaramog‘iga topshirilishini ta’kidlamoqda.
Xorijda qiyin vaziyatga tushib qolgan o‘zbekistonlik 14 nafar bola vatanga qaytarildi. Bu haqda Ijtimoiy himoya milliy agentligi xabar berdi.
Qayd qilinishicha, bolalar Rossiyaning Sankt-Peterburg shahridan Ichki ishlar hamda Sog‘liqni saqlash vazirliklari mas’ul xodimlarining xizmat safarlari doirasida Toshkentga keltirilgan.
Ijtimoiy himoya milliy agentligi bu bolalarning ota-onasi va o‘z yaqinlari qaramog‘iga topshirilishini ta’kidlamoqda. Ularga «Inson» ijtimoiy xizmatlar markazi tomonidan psixologik va huquqiy yordam ko‘rsatiladi.
Xorijda qarovsiz qolgan bolalar muntazam ravishda O‘zbekistonga qaytarilmoqda. 15 avgust kuni 8 nafar bola O‘zbekistonga qaytarilib, ularning 6 nafari ota-onasining qaramog‘iga topshirilgan edi.
Mavzuga oid
20:25
Moskva aeroportlarida xorijliklar uchun yangi qoidalar joriy etiladi
08:20
Rossiyada qiyin vaziyatda qolgan o‘zbekistonliklarga yordam berildi
22:00 / 18.09.2024
Finlandiya va Estoniya Boltiq dengizida Rossiya flotini bloklash rejasini tayyorlamoqda
13:00 / 18.09.2024