Qoʻshimcha funksionallar
-
Tungi ko‘rinish
Xorijda qarovsiz qolgan 14 nafar bola O‘zbekistonga qaytarildi
Ijtimoiy himoya milliy agentligi bu bolalarning ota-onasi va o‘z yaqinlari qaramog‘iga topshirilishini ta’kidlamoqda.
Foto: Ijtimoiy himoya milliy agentligi
Xorijda qiyin vaziyatga tushib qolgan o‘zbekistonlik 14 nafar bola vatanga qaytarildi. Bu haqda Ijtimoiy himoya milliy agentligi xabar berdi.
Qayd qilinishicha, bolalar Rossiyaning Sankt-Peterburg shahridan Ichki ishlar hamda Sog‘liqni saqlash vazirliklari mas’ul xodimlarining xizmat safarlari doirasida Toshkentga keltirilgan.
Ijtimoiy himoya milliy agentligi bu bolalarning ota-onasi va o‘z yaqinlari qaramog‘iga topshirilishini ta’kidlamoqda. Ularga «Inson» ijtimoiy xizmatlar markazi tomonidan psixologik va huquqiy yordam ko‘rsatiladi.
Xorijda qarovsiz qolgan bolalar muntazam ravishda O‘zbekistonga qaytarilmoqda. 15 avgust kuni 8 nafar bola O‘zbekistonga qaytarilib, ularning 6 nafari ota-onasining qaramog‘iga topshirilgan edi.
Mavzuga oid
22:23 / 21.11.2024
Rossiya «Rubej»ni ishga soldi. Bu raketa yadroviy kallakni ham olib ucha oladi
16:43 / 21.11.2024
Rossiya Ukrainaga qit’alararo ballistik raketa bilan hujum qildi - UHK
15:39 / 21.11.2024
So‘rovlar: Ukraina va Rossiyada ko‘pchilik tinchlik muzokaralarini xohlayapti
22:12 / 20.11.2024