Saida Mirziyoyeva Mixail Mishustin bilan uchrashdi

O‘zbekiston prezidenti yordamchisi Saida Mirziyoyeva Rossiya Federatsiyasi hukumati raisi Mixail Mishustin bilan uchrashdi.

Uchrashuvda ikki tomonlama munosabatlarning bir qator muhim yo‘nalishlari ko‘rib chiqildi.

Jumladan, iqtisodiyot, madaniyat, ta’lim, mehnat migratsiyasi borasidagi hamkorlikning dolzarb masalalari muhokama qilindi.

Shuningdek, o‘zaro manfaatli sheriklikni kengaytirishga qaratilgan yaqin muloqotni bundan buyon ham rivojlantirishga kelishib olindi.