Qoʻshimcha funksionallar
-
Tungi ko‘rinish
Lukashenko Ukrainani qayta tiklashga yordam taklif qildi
Belarus rahbarining fikricha, Ukraina hukumatini AQSh boshqarmoqda, prezident Volodimir Zelenskiy esa muammoni hal etish uchun Vashingtonga uchyapti.
Foto: president.gov.by
Minsk Kiyevga Ukrainani qayta tiklashda yordam berishga tayyor. Bu haqda Belarus prezidenti Aleksandr Lukashenko ma’lum qildi.
«Ukraina rahbariyati yaxshilab o‘ylab ko‘rishi lozim — ular birinchi navbatda mamlakatni qayta tiklashi kerak bo‘ladi. O‘zlariga yaqin bo‘lgan insonlar, avvalo belaruslar bilan», — deya davlat rahbaridan iqtibos keltiradi BelTA.
Uning fikricha, Ukraina hukumatini AQSh boshqarmoqda, prezident Volodimir Zelenskiy esa muammoni hal etish uchun Vashingtonga uchyapti.
«U oxir-oqibat ushbu urushni yakunlash uchun Minsk va Moskvaga bormayapti. U urushdan keyin amerikaliklar Ukrainani tiklab beradi deb o‘ylamoqda… Ularni hech kim qayta tiklamaydi», — deydi Lukashenko.
Aprel boshida Zelenskiy Ukrainani urushdan keyin qayta tiklashga 700 milliard dollarga yaqin mablag‘ kerak bo‘lishini ma’lum qilgandi. Uning so‘zlariga ko‘ra, mamlakatda tiklanishi kerak bo‘lgan asosiy yo‘nalishlar — energetika, texnologiya va iqtisodiyotdir.
«Biz sizlar bilan aniq summani bilmaymiz, chunki urushni hali yakunlamadik. U tugaganidan keyin barchasi tahlil qilib chiqiladi», — deydi davlat rahbari.
Jahon banki, Yevrokomissiya, BMT va Ukraina hukumatining 2023 yil yakunlaridagi baholashlariga ko‘ra, Ukrainani qayta tiklashga 10 yil davomida 486 milliard dollar kerak bo‘ladi.
Mavzuga oid
21:16
Lukashenko Belarusda norozilik namoyishlari takrorlansa, internetni «butunlay o‘chirib qo‘yish» bilan tahdid qildi
20:12
«Aftidan qo‘rqinchli, ammo hech narsani o‘zgartirolmaydi» - «Oreshnik» qanaqa raketa?
14:17
Vengriya Ukraina bilan chegarada HMM tizimlarini o‘rnatish niyatida
09:12