Davlat mulkini xususiylashtirish sohasi takomillashtirilmoqda

Prezident tomonidan «Davlat mulkini xususiylashtirish sohasi takomillashtirilishi munosabati bilan O‘zbekiston prezidentining ayrim hujjatlariga o‘zgartirish va qo‘shimchalar kiritish to‘g‘risida»gi farmon imzolandi.

Hujjat prezidentning farmon va qarorlariga o‘zgartirish va qo‘shimchalar kiritishni nazarda tutgan bo‘lib, ular:

xorijiy investorlarga davlat aksiya paketlarini “Toshkent” RFB savdolari orqali xorijiy valutada sotish va ular bo‘yicha to‘lovlarni shartnomada belgilangan valutada amalga oshirishni;
maxsus iqtisodiy, kichik sanoat, yoshlar sanoat va tadbirkorlik zonalarining bosh rejasiga muvofiq, sanoat zonalari infratuzilma bilan ta’minlanganidan va davlat qabulidan so‘ng ular hududidagi yer uchastkalarini auksion savdolariga chiqarishni nazarda tutishmoqda.

Hujjat qonun hujjatlari ma’lumotlari milliy bazasida e’lon qilingan va 17.10.2024 yildan kuchga kirdi.