Isroilning Livanga zarbalari qurbonlari soni 2,4 mingdan oshdi
Isroil armiyasi qo‘shni davlat hududiga hujum qilishda davom etmoqda.
2023 yil 8 oktyabrdan beri Isroilning Livandagi zarbalari oqibatida 2464 kishi halok bo‘ldi. Bu haqda Livan sog‘liqni saqlash vazirligi bayonotida aytiladi.
Yana 11 530 kishi jarohatlangan, deyiladi xabarda.
Qayd etilishicha, Isroil armiyasi mamlakatning ko‘plab hududlarida havo hujumlarini davom ettirmoqda.
Xabarga ko‘ra, bir kun avval Isroil armiyasining hujumlari natijasida 16 kishi halok bo‘lgan, 59 kishi yaralangan.
Isroilning Livandagi bombardimonlari tufayli 100 ming kishi uyini tark etishga majbur bo‘ldi.
Mamlakatning janubiy viloyatlaridan poytaxt Bayrut va shimolga ko‘chish to‘lqini davom etmoqda. Livan hukumati 471 mingdan ortiq qochqin Suriyaga o‘tib ketganini e’lon qildi.
Mavzuga oid
14:50
Isroil Bayrutga 11 marta havo hujumi uyushtirdi
14:04
Yaqin Sharqdagi urush: Isroil «Hizbulloh» banklariga hujum qilmoqda, AQSh sulh muzokaralari uchun elchi yubordi
13:50
«Hizbulloh» Isroilning uchuvchisiz uchog‘i yo‘q qilinganini bildirdi
11:31