Zelenskiy BMT bosh kotibini Kiyevda qabul qilishdan bosh tortdi
Bunga Antoniu Guterrish 23 oktyabr kuni Qozonda o‘tkazilgan BRIKS sammitiga tashrif buyurib, Vladimir Putin bilan uchrashgani sabab bo‘lgan.
Ukraina prezidenti Volodimir Zelenskiy BMT bosh kotibi Antoniu Guterrishning Qozondagi BRIKS sammitidagi ishtiroki uchun Kiyevga tashrifini rad etdi. Bu haqda AFP agentligi Zelenskiy ofisiga tayanib xabar berdi.
Agentlik suhbatdoshining so‘zlariga ko‘ra, Qozondan keyin Guterrish Ukrainaga borishni istagan, ammo Zelenskiy uning tashrifiga tayyorgarlikni tasdiqlamagan. «Shu bois Guterrish bu yerda bo‘lmaydi, xususan, Qozonda sog‘lom fikr va xalqaro qonunlar kamsitilgani uchun», — deydi AFP manbasi.
Ukraina prezidenti ofisi Guterrishninn Kiyevga tashrifi bekor qilinganiga rasman izoh bermadi. BMT ham mazkur holat bo‘yicha biror munosabat bildirmadi.
Antoniu Guterrish 23 oktyabr kuni Qozonda o‘tkazilgan BRIKS sammitiga tashrif buyurdi va Vladimir Putin bilan uchrashdi. BMTning rasmiy press-relizida ta’kidlanishicha, Guterrish «Rossiyaning Ukrainaga bostirib kirishi BMT nizomi va xalqaro huquqni buzish ekanini tasdiqlagan» va muzokaralar o‘tkazilishini «to‘liq qo‘llab-quvvatlagan». Ammo sammitdagi chiqishi davomida Guterrish Rossiya tomonidan xalqaro huquqning buzilishi haqida biror gap aytmagan.
Ukraina Tashqi ishlar vazirligi Guterrishning BRIKS sammitiga tashrifini qoralab, u Shveytsariyadagi birinchi tinchlik sammitida ishtirok uchun Kiyev taklifini rad etgani, biroq «harbiy jinoyatchi Putindan» Qozonga taklifni qabul qilganini bildirdi. «Bu tinchlik o‘rnatishga ko‘maklashmaydigan noto‘g‘ri tanlov», — deyiladi TIV bayonotida.
Mavzuga oid
19:27 / 25.10.2024
Putin Kursk oblastida ukrainalik 2000 harbiy qurshovda qolganini aytdi. Bu qanchalik to‘g‘ri?
17:12 / 25.10.2024
Ukraina uchun yilning eng qiyin haftasi: frontning yettita muhim uchastkasi mudofaasida inqiroz yuzaga kelgan
11:50 / 25.10.2024
Shols Zelenskiyning NATOga taklif qilish haqidagi iltimosini rad etdi
11:30 / 25.10.2024