Qoʻshimcha funksionallar
-
Tungi ko‘rinish
Jizzaxda avtobus va yuk mashinasi to‘qnashdi
Hodisa oqibatida uch kishi yengil jarohatlangan.
Foto: Jizzax viloyati IIB
Jizzax viloyati Sharof Rashidov tumanida yo‘lovchi tashuvchi avtobus va yo‘llarni tozalovchi maxsus transport vositasi ishtirokida yo‘l-transport hodisasi sodir bo‘ldi, deya xabar bermoqda viloyat IIB.
Qayd etilishicha, holat 30 yanvar kuni soat 13:30 atrofida viloyat hududidan o‘tuvchi M-39 Toshkent-Termiz avtomobil yo‘lining 1000 kilometrida sodir bo‘lgan.
Samarqanddan Toshkent tomon harakatlanayotgan yo‘lovchi tashuvchi avtobus o‘zidan oldinda ketayotgan, yo‘llarni tozalovchi maxsus transport vositasining orqasidan borib urgan.
Hodisa oqibatida haydovchilarga ham, avtobus yo‘lovchilariga ham jiddiy jarohat yetmadi. Faqat uch nafar fuqaroga birinchi tez tibbiy yordam ko‘rsatildi.
«Ko‘rganimdayoq o‘ngga burildim. Bo‘lgan ish shu. Tezligim 70–80 edi chamasi», – deydi avtobus haydovchisi.
Hozirda holat yuzasidan tuman IIB tomonidan dastlabki surishtiruv ishlari olib borilmoqda.
Mavzuga oid
08:41
Toshkentda 115-sonli avtobus yo‘nalishi yangilandi
15:55 / 02.12.2025
Ulug‘bek Mustafoyev Jizzax viloyati hokimi lavozimiga tasdiqlandi
15:20 / 02.12.2025
Prezident Jizzaxda yangi tibbiyot klasterining dastlabki bosqichi bilan tanishdi
11:04 / 02.12.2025