Namanganda gazdan o‘g‘rincha foydalanib kelgan tadbirkor aniqlandi

«O‘zenergoinspeksiya» xabar berishicha, holat «O‘zenergoinspeksiya» Namangan viloyat hududiy boshqarmasi va viloyat prokuraturasi bilan hamkorlikda o‘tkazilgan nazorat tadbirida aniqlangan. 

Uychi tumanida joylashgan «E.J.A.» yakka tartibdagi tadbirkorga qarashli umumiy ovqatlanish binosida elektr hisoblagichdan tashqari ulangan holda, elektr energiyasidan noqonuniy foydalangan.

Ushbu qoidabuzarlik natijasida, dastlabki hisob-kitoblarga ko‘ra, elektr ta’minoti korxonasiga 95.8 mln so‘mlik zarar yetkazilgani ma’lum bo‘ldi.

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.