Toshkent va Namangan viloyatlarida qor ko‘chish xavfi e’lon qilindi

5-8 aprel kunlari kutilayotgan yog‘ingarchilik hamda havo haroratining o‘zgarishi sababli respublikaning tog‘li hududlarida qor ko‘chish xavfi yuzaga keladi. Bu haqda «O‘zgidromet» xabar berdi.

Qayd qilinishicha, quyidagi hududlarda qorko‘chish xavfi e’lon qilinadi:

- Toshkent viloyati: Bo‘stonliq, Ohangaron va Parkent tumanlari (Chotqol tizmasining tog‘lari);

- Namangan viloyati Pop tumani tog‘li hududlarida, dengiz sathidan 2000 m balandlikda.

Tog‘li xududlarda istiqomat qiluvchi fuqarolar, dam oluvchilar hamda tog‘li xududlarda harakatlanuvchi haydovchilarga ehtiyot choralarini ko‘rish tavsiya qilinadi.