Тошкент ва Наманган вилоятларида қор кўчиш хавфи эълон қилинди

Бўстонлиқ, Оҳангарон, Паркент ва Поп туманларида эҳтиёт чораларини кўриш тавсия қилинди.

5-8 апрель кунлари кутилаётган ёғингарчилик ҳамда ҳаво ҳароратининг ўзгариши сабабли республиканинг тоғли ҳудудларида қор кўчиш хавфи юзага келади. Бу ҳақда «Ўзгидромет» хабар берди.

Қайд қилинишича, қуйидаги ҳудудларда қоркўчиш хавфи эълон қилинади:

- Тошкент вилояти: Бўстонлиқ, Оҳангарон ва Паркент туманлари (Чотқол тизмасининг тоғлари);

- Наманган вилояти Поп тумани тоғли ҳудудларида, денгиз сатҳидан 2000 м баландликда.

Тоғли худудларда истиқомат қилувчи фуқаролар, дам олувчилар ҳамда тоғли худудларда ҳаракатланувчи ҳайдовчиларга эҳтиёт чораларини кўриш тавсия қилинади.