FT: Yevropa qurol konserni qurolga bo‘lgan talabni qondira olmayapti

Storm Shadow/SCALP-EG qanotli raketalarini ishlab chiqarish bilan mashhur bo‘lgan MBDA Yevropa qurollari guruhi o‘z ishida samaradorlikni ko‘rsatmayapti, bu urush davridagi iqtisodiyotda yetkazib berishni tezlashtirishga to‘sqinlik qilmoqda. Bu haqda Britaniyaning Financial Times (FT) gazetasi 14 aprel, dushanba kuni xabar berdi.

Nashr ma’lumotlariga ko‘ra, MBDA buyurtmalar portfeli 37 milliard yevrogacha o‘sgan va hozirgi kurs bo‘yicha uni to‘ldirish uchun taxminan yetti yil kerak bo‘ladi. «Biz ishlab chiqarish hajmini oshirish bilan bog‘liq qiyinchiliklarni yengish uchun sanoatga ko‘proq yo‘naltirilgan bo‘lishimiz kerak», dedi bosh ijrochi direktor Erik Beranjye.

Shunday qilib, uzoq masofali Aster zenitli raketasini ishlab chiqarishda qurol Alp tog‘lari bo‘ylab — Fransiya va Italiya o‘rtasida — ishlab chiqarishning turli bosqichlarida bir necha marta tashiladi, bu esa sanoatning kam foydali siklini oshiradi, deb yozadi gazeta.

Shu bilan birga, Beranjye ta’kidlaganidek, guruh o‘z aksiyadorlarining manfaatlarini hisobga olgan holda muvozanatni saqlashi kerak. Amsterdamda ro‘yxatdan o‘tgan Airbus va Britaniyaning BAE Systems kompaniyalari 37,5 foiz aksiyalarga, Italiyaning Leonardo'si esa 25 foizga egalik qiladi. Bundan tashqari, guruh o‘zi xizmat ko‘rsatayotgan harbiylarning talablarini qondirishi kerak.