Iyun oyida 0,2 foizlik deflyatsiya qayd etildi

Iyun oyida iste’mol sektoridagi tovarlar va xizmatlar narxlari o‘rtacha 0,2 foizga pasaygan.

Milliy statistika qo‘mitasi ma’lumotlariga ko‘ra, 2025 yilning iyun oyida iste’mol sektoridagi tovarlar va xizmatlar narxlari o‘rtacha 0,2 foizga arzonlashgan.

Yillik iste’mol narxlari indeksi (INI) 8,7 foizni tashkil etib, o‘tgan yilning shu oyiga (2024 yil iyun — 10,6 foiz) nisbatan 1,9 foiz bandga pasaydi.

Iyun oyida oziq-ovqat mahsulotlari narxlari o‘rtacha 1,1 foizga pasaygan, nooziq-ovqat tovarlari 0,2 foizga oshgan, aholiga ko‘rsatiladigan pulli xizmatlar esa 0,8 foizga qimmatlashgani kuzatilgan.

Hisob-kitoblar uchun 10 mingdan ortiq savdo va xizmat ko‘rsatish nuqtalarida 170 mingga yaqin narxlar qayd etilgan.

420 turdagi oziq-ovqat va nooziq-ovqat mahsulotlari va 90 turdagi xizmatlar narxlari kuzatildi.