Aholini guruch bilan ta’minlashning qo‘shimcha chora-tadbirlari belgilandi

Vazirlar Mahkamasining «Respublika aholisini guruch mahsulotlari bilan uzluksiz ta’minlashning qo‘shimcha chora-tadbirlari to‘g‘risida»gi qarori qabul qilindi.

Aholini guruch bilan uzluksiz ta’minlash uchun:

• Janubiy Koreyaning KOPIA markazi bilan hamkorlik loyihasi doirasida sholichilik sohasidagi xalqaro mutaxassislarni jalb qilish rejalashtirilgan;
• sholi yetishtirishda qo‘llaniladigan zamonaviy resurs tejaydigan qishloq xo‘jaligi texnika va agregatlarini olib kelish va Sholichilik ilmiy-tadqiqot institutida sinovdan o‘tkazish ta’minlanadi;
• 2025-2028 yillarda Jahon banki mablag‘lari hisobidan Sholichilik ilmiy-tadqiqot instituti va Filippindagi Xalqaro sholichilik ilmiy-tadqiqot instituti (IRRI) o‘rtasidagi amaliy hamkorlik loyihasi doirasida markerli seleksiya usuli bilan sholining yangi suvni kam talab qiluvchi va yuqori hosilli navlari va duragaylarini yaratish bo‘yicha ilmiy-tadqiqot ishlari olib boriladi;

2025-2027 yillarda Misr bilan birgalikda suv kam talab qiluvchi, yuqori haroratga chidamli, shuningdek Nepal bilan birgalikda past haroratga bardoshli, yuqori hosilli sholi navlari yaratiladi.