Buxoro viloyatida sayyohlik halqasi tashkil etiladi

Unda Turizm qo‘mitasi raisi Umid Shodiyev Buxoro viloyati Jondor tumanida mahalliy aholi va turizm sohasida faoliyat yuritayotgan tadbirkorlar bilan uchrashuv o‘tkazgani haqida yozilgan.

"Uchrashuv davomida hududda turizm infratuzilmasini rivojlantirish, yangi turistik marshrutlar yaratish hamda mahalliy aholining bu sohadagi ishtirokini kuchaytirish masalalari muhokama qilindi. Tadbirkorlar o‘z faoliyatida duch kelayotgan muammolar va takliflar bilan o‘rtoqlashdi", – deb ta’kidlangan maqolada.

Ma’lum qilinishicha, tashrif davomida Turizm qo‘mitasi raisi Jondor tumanidagi Ushot qishlog‘ini "turizm qishlog‘i"ga aylantirish borasida hududda amalga oshirilayotgan ishlar bilan ham tanishgan.

"Tuman hokimligi bilan hamkorlikda tumanning "Varaxsha" arxeologik yodgorligi, "Qizbibi" ziyoratgohi, "Zarafshon" sohilbo‘yi dam olish maskani va "Ushot turizm qishlog‘i"ni o‘z ichiga olgan "turistik halqa" va 1-2 kunlik turistik dastur ishlab chiqishga kelishib olindi",– deya urg‘ulangan materialda.

Shuningdek, nashrda, oilaviy mehmon uylarini tashkil qilish istagida bo‘lgan mahalliy aholiga zarur yordam ko‘rsatilayotgani ham qayd etilgan.