Toshkentda sifati kafolatlanmagan dorilarni sotuvga qo‘ygan dorixona aniqlandi

Bosh prokuratura huzuridagi departamentning Mirobod tumani bo‘limi tomonidan tezkor tadbir o‘tkazildi.

Unda, T.Ph. MChJga qarashli dorixona sotuvchisi fuqaroga kirim hujjati bo‘lmagan “Aktovegin” nomli dori vositasini sotgan vaqtida ushlanib, ushbu dorixonadan realizatsiya qilish maqsadida saqlab kelingan umumiy bahosi 264,2 mln so‘mlik 397 turdagi sifatini tasdiqlovchi hujjatlari bo‘lmagan dori vositalari ashyoviy dalil sifatida olingan.

Mazkur holat yuzasidan Jinoyat kodeksining 186-3-moddasi (sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.