Erdo‘g‘an muxolifat yetakchisini sudga berdi

Turkiya prezidenti Rajab Toyyib Erdo‘g‘an muxolif Xalq-respublika partiyasi yetakchisi O‘zgur O‘zelni haqoratda ayblab sudga berdi va ma’naviy zarar uchun 1 mln lira (24,5 ming) tovon to‘lanishini talab qildi. Bu haqda Turkiya rahbarining advokati Husayn Oydin ma’lum qildi.

"13 avgust kuni prezidentimiz nomiga nomaqbul so‘zlar va asossiz ayblovlar bilan chiqqan XRP raisi O‘zgur O‘zeldan ma’naviy zarar uchun 1 mln lira miqdorida tovon puli undirish to‘g‘risida Anqara fuqarolik sudiga da’vo arizasi berildi. Bundan tashqari, prezidentni haqorat qilganlik jinoyati bo‘yicha Anqara prokuraturasiga ariza taqdim etildi", - dedi u.

O‘zel 13 avgust kuni Istanbuldagi chiqishi chog‘ida shu yilning martida shahar meri Ekrem Imomo‘g‘lining korrupsiyada ayblanib hibsga olinishida Erdo‘g‘anni ayblagandi.

Erdo‘g‘an XRP yetakchisini avval ham bir necha marta sudga bergan. Turkiyada prezidentni haqorat qilish jinoiy javobgarlikka sabab bo‘ladi.