“Tashabbusli budjet”da targ‘ibot bosqichi boshlandi

Kelib tushgan jami 22 mingdan ortiq taklifning 18 mingdan ortig‘i saralash bosqichidan o‘tkazildi. Endi 3 kun davomida – 21 avgustgacha targ‘ibot bosqichi bo‘ladi, shundan keyin ovoz berish 10 kun davom etib, g‘oliblar mustaqillik bayramida e’lon qilinadi.

Foto: Farg‘ona viloyati hokimligi

“Tashabbusli budjet”ning 2025 yilgi 2-mavsumida targ‘ibot bosqichi boshlandi.

Iqtisodiyot va moliya vazirligi xabariga ko‘ra, 2-mavsum doirasida fuqarolar tomonidan 22 623 ta taklif kelib tushgan bo‘lib, ulardan 18 656 tasi saralash bosqichidan o‘tkazilgan.

Saralashdan o‘tgan loyihalar uchun 19-21 avgust kunlari 3 kunlik targ‘ibot bosqichi o‘tkaziladi.

Shundan keyin 22 avgustdan 31 avgustga qadar loyihalarga ovoz beriladi.