“Ташаббусли бюджет”да тарғибот босқичи бошланди

Келиб тушган жами 22 мингдан ортиқ таклифнинг 18 мингдан ортиғи саралаш босқичидан ўтказилди. Энди 3 кун давомида – 21 августгача тарғибот босқичи бўлади, шундан кейин овоз бериш 10 кун давом этиб, ғолиблар мустақиллик байрамида эълон қилинади.

Фото: Фарғона вилояти ҳокимлиги

“Ташаббусли бюджет”нинг 2025 йилги 2-мавсумида тарғибот босқичи бошланди.

Иқтисодиёт ва молия вазирлиги хабарига кўра, 2-мавсум доирасида фуқаролар томонидан 22 623 та таклиф келиб тушган бўлиб, улардан 18 656 таси саралаш босқичидан ўтказилган.

Саралашдан ўтган лойиҳалар учун 19-21 август кунлари 3 кунлик тарғибот босқичи ўтказилади.

Шундан кейин 22 августдан 31 августга қадар лойиҳаларга овоз берилади.