Uzbekistan Airways mahalliy qatnovlar sonini oshirdi

Uzbekistan Airways aviakompaniyasi qo‘shimcha mahalliy aviaqatnovlar joriy etilganini e’lon qildi.

Ular:

- Toshkent – Termiz – Toshkent (1-29 sentabr, dushanba, chorshanba va juma kunlari);

- Toshkent – Buxoro – Toshkent (9-30 sentabr, seshanba va juma kunlari);

- Toshkent – Farg‘ona – Toshkent (6-27 sentabr, shanba kunlari);

- Toshkent – Navoiy – Toshkent (10, 17 va 24 sentabr);

- Toshkent – Namangan – Toshkent (2-30 sentabr, seshanba va payshanba kunlari).

Qayd qilinishicha, parvozlar Airbus A320 havo kemalarida amalga oshiriladi.

Avvalroq, Uzbekistan Airways tarkibiga kiruvchi Silk Avia kompaniyasi Toshkentdan Termiz, Buxoro, Farg‘ona, Navoiy va Namanganga ba’zi qatnovlarni texnik sabablarga ko‘ra 2 oyga to‘xtatgan edi.