AQSh Rossiyaga qarshi yangi sanksiyalar kiritishi mumkin - Bessent

Moliya vaziri Skott Bessentning fikricha, AQSh va Yevropaning Rossiyaga nisbatan birgalikdagi iqtisodiy bosimi Moskvani muzokaralar stoliga o‘tirishga majbur qilishi mumkin.

Skott Bessent Foto: NBC

AQSh Rossiyani muzokaralar stoliga o‘tqizish uchun unga qarshi Yevropa bilan birgalikda yangi sanksiyalar kiritishi mumkin. Bu haqda AQSh moliya vaziri Skott Bessent NBC telekanaliga bergan intervyusida ma’lum qildi.

Bessentning fikricha, AQSh va Yevropaning Rossiyaga nisbatan birgalikdagi iqtisodiy bosimi Moskvani muzokaralar stoliga o‘tirishga majbur qilishi mumkin.

Uning so‘zlariga ko‘ra, YeI sanksiyalar masalasida AQShdan o‘rnak olishi lozim.

Vashington avvalroq Rossiya neftini sotib olayotgani uchun Hindistonga nisbatan qo‘shimcha bojlar joriy etgandi.

Bild va Reuters xabariga ko‘ra, 4 sentabr kuni prezident Donald Tramp Yevropa yetakchilari bilan muloqoti chog‘ida ulardan Rossiya neftini sotib olishni to‘xtatishni talab qilgan.

#AQSh #sanksiya #Rossiya

Kun.uz yangiliklarini Google News'da kuzating

+ Obuna bo'lish