Tramp Qozog‘istonga borishi mumkinligini aytdi

AQSh prezidenti Donald Tramp Qozog‘iston prezidenti Qosim-Jo‘mart To‘qayev bilan “zo‘r suhbat” o‘tkazganini va bu mamlakatga tashrif buyurishi mumkinligini ma’lum qildi.

"Ha, borishim mumkin", - deb javob qaytardi Tramp jurnalistning uning Qozog‘istonga borishi ehtimoli to‘g‘risidagi savoliga. 

To‘qayev haqida so‘z yuritar ekan, AQSh prezidenti u bilan “zo‘r suhbat” o‘tkazganini aytdi. 

"U yaxshi inson", - deya qo‘shimcha qildi Tramp.

Avvalroq Qozog‘iston milliy iqtisodiyot vaziri Serik Jumangarin AQSh bilan savdo-iqtisodiy aloqalarni mustahkamlash mamlakat tashqi siyosatining ustuvor maqsadi ekanligini aytgandi.