Mers: Ukraina - Putinning zabt etish rejalarining «faqat boshlanishi»

Rossiya prezidenti Vladimir Putinning «imperialistik rejasi» Ukrainani zabt etish bilan tugamaydi, bu «faqat boshlanishi», deb hisoblaydi Germaniya kansleri Fridrix Mers. «Biz har kuni tobora kuchayib borayotgan Rossiya hujumlariga, jumladan, infratuzilmaga qarshi hujumlarga duch kelyapmiz», dedi u Berlindagi TIVda Germaniya elchilarining to‘rt kunlik konferensiyasini ochar ekan.

Shu bilan birga, Germaniya hukumati rahbari «Moskvaning Shimoliy va Boltiq dengizlaridagi provokatsiyalari», shuningdek, Rossiyaning Kiyevga hujumi, Yevropa Ittifoqi vakolatxonasi binosiga zarar yetkazganiga ishora qildi. Bu Moskvaning «qoidalarga asoslangan tartibni, tinchlikning Yevropa arxitekturasini» «eng shafqatsizlarcha» yo‘q qilganini ko‘rsatadi.

Uning so‘zlariga ko‘ra, Germaniya oldida «bir necha o‘n yillar davom etishi kerak bo‘lgan yangi xavfsizlik arxitekturasini qurish» bo‘yicha «tarixiy vazifalar turibdi». «Biz liberal dunyo tartibi deb ataydigan narsa ko‘p tomondan, shu jumladan siyosiy G‘arbda ham bosim ostida», deb tushuntirdi Mers. U «liberal demokratiyalar va avtokratiyalar o‘qi o‘rtasidagi yangi ziddiyat» haqida ma’lum qildi.