Rossiyada turli darajadagi saylovlarda ovoz berish yakunlandi

Rossiyadagi ovoz berishning dastlabki natijalariga ko‘ra, aksariyat hududlarda «Yagona Rossiya» partiyasining amaldagi rahbarlari yoki gubernator vazifasini bajaruvchilari g‘alaba qozonmoqda. Kuzatuvchilarga ko‘ra, muqobil nomzodlar deyarli yo‘q.

Foto: Tatyana Simonenkova/TASS/picture alliance

14 sentabr, yakshanba kuni Rossiya va unga qo‘shib olingan hududlarda turli darajadagi – gubernatorlikdan mahalliy hukumatgacha bo‘lgan saylovlarda uch kunlik ovoz berish yakunlandi.

Markaziy saylov komissiyasi e’lon qilgan dastlabki natijalarga ko‘ra, aksariyat hududlarda amaldagi rahbarlar yoki gubernator vazifasini bajaruvchilar – «Yagona Rossiya» partiyasidan nomzodlar g‘alaba qozonmoqda.

To‘g‘ridan to‘g‘ri «mintaqa rahbari saylovlari»ni qo‘shib olingan Sevastopolda ham Rossiya «rasmiylari» tashkil qildi. U yerda ham amaldagi «mintaqa rahbari» Mixail Razvojayev 80,29 foiz ovoz bilan «g‘alaba qozondi», deb yozadi «Interfaks» agentligi.

Umuman olganda, 12-14 sentabr kunlari Rossiyada va unga qo‘shib olingan hududlarda bo‘lib o‘tgan turli darajadagi saylovlarda 47 mingga yaqin deputatlik mandatlari va saylanadigan lavozimlar, jumladan, 21 nafar gubernator lavozimi taqsimlanishi kutilmoqda. Ovoz berish natijalariga ko‘ra, 11 ta hududda qonun chiqaruvchi parlamentlarning yangi chaqiriqlari tuzilishi kerak.