Rossiya bosh prokurori Oliy sud rahbari lavozimiga tavsiya etildi

Rossiya Oliy sudyalar kollegiyasi (RSK) Oliy sud raisi lavozimiga yagona nomzod bo‘lgan bosh prokuror Igor Krasnovni tavsiya qildi. Bir ovozdan qabul qilingan qarorni RSK raisi Nikolay Timoshin ma’lum qildi.

RBK xabariga ko‘ra, Krasnov nomzodini ko‘rib chiqish RSKda besh daqiqa davom etgan. Uchrashuvda Krasnov sudyalarning maqomi ular uchun «jazosizlik illyuziyasini» yaratmasligi kerakligini aytdi. «Shu bilan birga, men aminmanki, sudyalarga xolis bo‘lishlari uchun har qanday tazyiq yo‘q qilinishi kerak», — deya uning so‘zlarini keltiradi «Interfaks».

Sudyalik tajribasiga ega bo‘lmagan Krasnov avgust oyining oxirida, sudyalar hay’ati arizalarni qabul qilib bo‘lgach, Oliy sud rahbari lavozimiga nomzod sifatida ko‘rsatilgan edi. Qonunga ko‘ra, Oliy sud rahbari lavozimga Rossiya Federatsiyasi prezidentining taklifiga binoan Federatsiya kengashi tomonidan tayinlanadi, bu sudyalarning Oliy komissiyasi ijobiy xulosasi olinganidan keyin amalga oshirilishi mumkin. Shuningdek, qonunda Oliy sud a’zoligiga nomzod etib ko‘rsatilish uchun sudyalar oliy komissiyasida kamida 10 yillik huquqshunoslik stajiga ega bo‘lish va sudyalarning oliy komissiyasida malaka imtihonidan o‘tish kerakligi belgilab qo‘yilgan.