Zelenskiy Trampni Rossiyaga nisbatan «aniq pozitsiyani egallashga» chaqirdi

Tramp bilan ehtimoliy uchrashuv oldidan Ukraina prezidenti uni xavfsizlik kafolatlari va Rossiyaga qarshi sanksiyalar bo‘yicha aniq pozitsiyani egallashga undadi.

Foto: Aaron Schwartz - Pool via CNP/Keystone Press Agency/Global Look Press

AQSh prezidenti Donald Tramp kelasi hafta Nyu-Yorkda Ukraina yetakchisi Volodimir Zelenskiy bilan uchrashishi mumkin. Bu haqda Tel-Avivda AQSh davlat kotibi Marko Rubio ma’lum qildi.

22-30 sentabr kunlari Nyu-Yorkda BMT Bosh assambleyasining 80-sessiyasining yuqori darajadagi haftaligi bo‘lib o‘tadi.

«U (Tramp) urushni tugatish uchun qo‘lidan kelgan barcha ishni qilishga urinmoqda», — dedi Rubio.

«Prezident (Rossiya prezidenti Vladimir) Putinga bir necha marta qo‘ng‘iroq qildi, Zelenskiy bilan bir necha bor uchrashdi, jumladan, ehtimol, yana kelasi hafta Nyu-Yorkda uchrashadi», — deya qo‘shimcha qildi Amerika diplomatiyasi rahbari.

Ukraina tomoni hozircha bunday uchrashuv o‘tkazish imkoniyatini tasdiqlagani yo‘q.